2010-02-25

(不是笑話) 財爺派candy,也派floppy

明報:財爺「復古」派floppy 議員四出撲磁碟機

每年財爺公布預算案時,都會就議員早前交嘅提問作出書面回應,聽落好似好貼心,但衰在今年嘅回應就儲存喺隻磁碟(floppy)度,喺依家呢個數碼年代,要搵部電腦可以讀到磁碟,真係唔容易,結果就玩死唔少議員!

其中一個就係湯家驊,Ronny話佢屋企已經有3部電腦,但無一部電腦可以開到floppy,揸住隻碟都唔知點算好,激到佢大叫﹕「咁大個政府,起碼用光碟啦,政府係咪咁窮呀!」

除咗Ronny中招,民主黨都無晒符,到噚日傍晚都仲未有黨員搵到電腦有磁碟機,認真搞笑。黃成智就話:「打晒鑼咁搵磁碟機,但到依家未搵到!未聽到有人開到!」佢話都估唔到政府咁老土,光碟都係一蚊一隻啫,可能政府想環保的啩!

政府發言人就話,因為有關回應的文件數量唔多,如果用光碟會太過浪費,所以先選用floppy,如果有議員真係無方法開隻磁碟,先會複製隻光碟畀佢喎!


解讀:“因為有關回應的文件數量唔多,如果用光碟會太過浪費”。之所以浪費,係因為政府現庫存2千幾萬隻當年採購落的floppy,未發霉的估計尚有1千3百多萬隻,唔用浪費。

聲明:政府發言人又稱,財爺了解有部分80後和90後會唔知floppy為何物,會加強對他們的歷史和通識教育。

曾堯:右圖是財爺派的floppy。至於點解floppy看來硬邦邦,一點都不“floppy”,說來話長,後生仔唔易明白。問問老柴一輩,聽他們講用電腦的集體回憶吧。